بعيدا عن انه فيلم للسمر وانا بعشق النوعية دى من الافلام الا ان الفيلم ده فعلا يستحق المشاهدة
طريقة سرد الاحداث وتوغلها فى جو النجومية واظهاراها للبعد الاخر للنجم هو ده اللى ممكن تعرفه من الفيلم ده
الفيلم بيحكىقصة حياة طفلة موهوبة بالغناء والدتها شافت ده فيها عشان كده ربتها حيات النجوم واتحكمت فيها بشكل بشع وده كان ليه مردود على اضطراب البنت نفسية اللى بعد فوزها بجائزة افضل مغنية بتحاول الانتحار لانها مش متحكمة في حياتها
وهنا بيظهر الشرطى اللى بينقذها من الموت وبتبدا قصة حبهم رغم اختلاف حياة كل واحد فيهم عن التانى وهنا بتبدا المشكلة واللى افلام السود مشهورة بيها حيات اتنين بيحبو بعض ازاى حتتطبع وتبقى حياة واحده
الفيلم من ناحية الاخراج ممتاز ومن ناحية السيناريو جيد ومن ناحية التمثيل رائع
من ناحية الموسيقى التصويرية وده هو الشئ الخرافى فى الموضوع وجود اغنية تلخص القصة بالشكل الجمالى ده هو الخرافى بجد
وكمان ختام البطله فى المشهد النهائى وهى بترد على الاغنية دى ده فى حد زاته كفيل بان السيناريو ياخد 10/10